O rapto de Europa.

 Zeus viu a Europa, princesa fenicia,  collendo flores coas súas doncelas á beira do mar e transformouse en touro para a seducir. A princesa, sen sospeitar nada, subiu sobre o seu lombo; o touro mergullouse de repente no mar e levouna cruzando as ondas ata Creta. Da súa unión naceron Minos, Radamantis e Sarpedón.

 Radamantis, rei de Creta moi respectado pola súa prudencia, foi destronado por Minos, que para probar o seu dereito ao trono, coa axuda de Poseidón, fixo saír do mar un touro magnífico polo que Pasifae, a súa esposa, concibiu unha paixón culpable. O froito desta monstruosa relación foi o Minotauro.