16. Enigma grego. 2017-18.

 A morte de Sócrates. Explíca como se produciu.

Envía a gregofoz@gmail.com ou en comentarios.

16. Enigma latino 2017-18.

O cordobés Séneca morre dramáticamente. Explícao.

Envía a túa resposta a gregofoz@gmail.com ou en comentarios.

Argumento da Eneida

 Eneas foxe de Troia cando a cidade é tomada polo exército aqueo. Van con el o seu pai Anquises e o seu fillo Ascanio ou Iulo. Ante a confusión da fuga Eneas perde a súa muller Creúsa, polo que regresa e a chama entre as ruínas da cidade. Creusa preséntase en forma de aparición e pídelle que non verta máis bágoas por ela, xa que o destino lle ten asignada outra consorte de sangue real.

  Xuno, esposa de Xúpiter, rencorosa aínda con toda a estirpe troiana, trata de desviar a frota de sobreviventes do seu destino inevitable: Italia.​

 As peregrinacións de Eneas duran sete anos, ata que é acollido no reino de Cartago, gobernado por Dido . Venus e Cupido fan que Dido se namore perdidamente de Eneas e, tras a partida deste por orde de Xúpiter, quítase a vida. Maldice antes a toda a estirpe vindeira de Eneas e clama polo xurdimento dun heroe vengador: desta forma, créase o cadro que xustifica míticamente a eterna inimizade entre dous pobos irmáns, o de Cartago e o de Roma, que conduciría ás guerras púnicas.

 De camiño a Italia, a Eneas aparéceselle a alma do seu pai Anquises e pídelle que vaia a velo ao Averno: Eneas cede e, acompañado da Sibila de Cumas, percorre os reinos de Plutón. Anquises móstralle toda a gloria e a pompa da súa futura estirpe: os romanos.

 Chegados por fin os troianos a Italia, o rei Latino recíbeos pacíficamente e, lembrando que unha antiga profecía dicía que a súa filla Lavinia casaría cun estranxeiro, decide aliarse con Eneas e darlle a Lavinia por esposa.

Turno, rei dos rútulos e pretendente de Lavinia, declara a guerra a Eneas. Os dous exércitos adquiren aliados e enfróntanse fieramente, axudados os troianos por Venus e os rútulos por Juno. Prodúcense mortes en ambos os bandos e, finalmente, Eneas mata a Turno.

15. Enigma latino e grego 2017-18.

 Buscamos o significado destes tres termos relacionados entre sí e referentes á morte na antigüidade

1. Libitina.

2. Libitinarius

3. Porta Libitinaria.

 Envía a túa resposta antes do venres a gregofoz@gmail.com ou en comentarios.

14. Enigma grego e latino 2017-2018.

Deuses subterráneos! Oh, Hades e ti, divina Perséfone! Escoitádenos desde o reino das sombras! Inspirade as mentes dos nosos alumnos que van emprender unha viaxe infernal, unha odisea cara ás profundidades da Terra, en busca de monstros, deuses e persoas.

 Lanzaranse a buscar as portas do Inferno, a localizar o río que o separa do mundo dos vivos, a tremer ante a tenebrosa lagoa subterránea, a coñecer un can gardián de tres cabezas, a alma dun rei decapitado ...

 Identifica o nome destes lugares ou personaxes que figuran marcados no texto

Envía a túa resposta a gregofoz@gmail.com ou a comentarios antes da clase do venres.

CONCURSO ODISEA 2018

As nosas nornas

 “As nosas normas” é o título da última actividade relacionada cos textos instrutivos que traballamos en Lingua Galega nos grupos de 1º ESO.

 Conversamos na aula sobre a necesidade de propoñer e consensuar unha serie de consellos ou normas para evitar conflitos ou ben, unha vez xerados, para resolvelos sen pelexar.

 O alumnado organizouse en grupos pequenos que elaboraron as súas propostas. Nunha segunda fase puxéronse en común todas as aportacións para, finalmente, escolleren como normas comúns  aquelas que contaron cun apoio unánime.

 Un mural en cada aula recolle o resultado da actividade.

13. Enigma latino 2017-18.

Por que todos din que son Espartaco?

Quen foi Espartaco?

Envía a túa resposta antes do venres a gregofoz@gmail.com

13. Enigma grego 2017-18

Que problema ten quen padeza aracnodactilia?

Que famoso violinista a tiña?

Que outros termos galegos veñen da raiz grega dáctilos?

Envía a túa resposta antes da clase do xoves a gregofoz@gmail.com.

Miles Gloriosus

12. Enigma latino 2017-18

Nerón tamén quixo participar nos Xogos Olímpicos.

 En que consistiu a súa memorable actuación?

Envía a túa resposta antes da clase do venres a gregofoz@gmail.com ou a comentarios

12. Enigma grego 2017-18

Este home foi, na súa mocidade, o vencedor da primeira maratón dos Xogos olímpicos modernos.

Como se chama este home?

Onde e como se celebrou esa carreira?

Envía a túa resposta a gregofoz@gmail.com antes da clase do xoves.

Xogos Olímpicos 1896

11. Enigma grego 2017-18.

 O tío Gilito padecía do síndrome de Creso

a. En que consiste este síndrome?

b.Quen era Creso?

Envía a túa resposta a gregofoz@gmail.com ou a comentarios antes da clase do luns 11 de Decembro.

11. Enigma latino 2017-18.

  Na cena de Trimalción comían ainda máis ca nós.

a. Averigua en que libro de que autor se fala desta cea.

b. Busca algún plato desta contundente cea  que serías quen de comer.

Envía a túa resposta antes do luns 11 de Decembro a gregofoz@gmail.com  ou a comentarios.

O castigo de Heracles

Hera, ofendida polos excesos de Heracles, toleouno (…) Éste, tomando por inimigos a seis dos seus propios fillos, matounos e arroxou os seus corpos ao lume. Cando Heracles recobrou a razón encerrouse nunha habitación escura durante varios días, evitando toda comunicación con seres humanos e, despois de ser purificado polo rei Tespio, foi a Delfos, para preguntar que debía facer.

  A Pitonisa aconselloulle que residise en Tirinto, servise a Euristeo durante doce anos e realizase os traballos que lle impuxese, en compensación polo cal se lle concedería a inmortalidade. Ao oír isto, Heracles sumiuse nunha fonda desesperación, pois aborrecía servir a un home ao que consideraba moi inferior a el, pero temía opoñerse á vontade do seu pai Zeus. 

 Moitos amigos acudiron a consolalo  na súa angustia e, por fin, cando o transcurso do tempo aliviara algo a súa dor, púxose a disposición de Euristeo.

10. Enigma grego 2017-18.

En grego moderno o viño denomínase krasí, "mestura".

Que se mesturaba co viño?

Como se denominaba ó viño en grego clásico e que palabras derivadas dese termo hai en galego?

Envía a túa resposta a gregofoz@gmail.com ou a comentarios antes da clase do xoves.

10. Enigma latino 2017-18

 Que ten que ver o figo co fígado? 

Unha pista: ten que ver coa forma en que os romanos alimentaban ós ...gansos.

Envía a túa resposta a gregofoz@gmail.com ou a comentarios antes da clase do venres.

9. Enigma grego 2018-19

O billete que podes ver representa a un deus grego. Leva escrito o seu nome e o lugar onde ten o seu templo máis afamado.

Preguntas:

1. Como se chamaba esta  moeda grega, anterior ó euro? CantoS euros valería hoxe o billlete?

2. Que deus está representado no billete  e que templo aparece citado?

Envía a túa resposta a gregofoz@gmail.com antes da clase do xoves.

9. Enigma latino 2017-18.

  

Dúas cuestións relativas ós cartos:

1. Que relación ten co latín o inglés money?

2. De que palabra latina procede o termo diñeiro?

 Envía a túa resposta antes da clase do venres a gregofoz@gmail.com ou a comentarios.